Черногория терма жамоаси ҳужумчиси Стеван Йоветич Евро-2016 саралашида Россия термасига қарши учрашувдаги воқеалар учун терма жамоасига қаттиқ жазо берилмаслигига умид қилмоқда.
Учрашув икки марта тўхтатилган эди ва 67-дақиқада бутунлай тўхтатилди.
"Афсусдаман. Бу бизга мутлақо керак эмас эди. Биз майдонда боримизни кўрсатдик, пенальтини қайтардик, аммо буни гапиришдан не фойда? Майдонга танга улоқтирганларидан сўнг ўйин тўхтатилди.
Менга шундай туюлдики, россиялик ўйинчилар иккинчи бўлимда ўйин тўхтатилиши учун исталган сабабни кутиб туришган эди. Нима бўлганда ҳам танаффусда улар: "Кичик воқеани ҳам ҳакамга хабар қиламиз" дейишган эди. Умид қиламанки, бизга қаттиқ жазо тайинламайдилар", - дейди Йоветич.