Россиялик собиқ ҳакам Сергей Хусаинов Евро-2016 саралашида Черногория - Россия учрашуви ҳаками Дениз Айтекиннинг маҳоратини паст баҳолади.
Айтекин россиялик ҳужумчи Кокориннинг йиқилишидан сўнг мезбонлар дарвозасига пенальти белгилаган эди.
"Изоҳга ҳожат йўқ - ҳакам адашган эди. Билмадим, нима учун адашди, ахир у вазиятга жуда яқин турган эди. Менимча, у футболни яхши тушунмаса керак. Бу вазиятда черногорияликларнинг омади келди - Широков пенальтини ура олмади.
Бундай вазиятларда жабрланувчи томон ҳар доим ҳам омадли бўлавермайди. Эсимда, 2013 йилда Халк жарима майдончаси ичида чиройли йиқилди, "Крилья Советов" дарвозасига пенальти белгиланди. Пенальтини артистнинг ўзи голга айлантирди ва "Зенит" 1:0 ҳисобида ғалаба қозонди", - дейди Хусаинов.
