Kun.uz: «Барселона» клубининг собиқ футболчиси Христо Стоичков Криштиану Роналду ҳақида фикрлари билан ўртоқлашди. Унинг фикрича, Роналду машҳур футболчи бўлиши мумкин, лекин ўйин борасида у машҳурлар қаторида бўлишга лойиқ бирорта ишни қойиллатмаган.

«Роналду сунъий маъбуд. У фақатгина «мен» деган сўзни қайта-қайта такрорлашни билади. Аммо ҳақиқий юлдузлар луғатида бу сўзга жой бўлмаслиги керак. Роналду жудаям такаббур футболчи. Бундайлар жамоа учун жон фидо қилишни исташмайди. Шундай экан у «Реал» тарихидаги буюк футболчилар қаторига кирмайди. Ўйлашимча, у ҳаттоки, Лаудруп ва Роналдонинг товонигаям арзимайди», дея Стоичковнинг сўзларидан иқтибос келтирмоқда «A Bola» нашри.

Олдинроқ, Стоичков Лионель Мессини сайёрамизнинг энг яхши футболчиси эканини таъкидлаб ўтганди.