"Реал" ҳужумчиси Хавьер Эрнандес ўзига берилаётган ўйин амалиётининг камлигидан норози бўлмоқда.
Чичарито ушбу мавсум "Реал"нинг 20 учрашувида иштирок этган ва примера ўйинларида бирор марта ҳам бошланғич таркибда майдонга тушмаган.
Таъкидлаш жоиз, Чичарито Мексика термасининг Эквадорга қарши учрашувида (1:0) ягона гол муаллифи бўлди. АҚШда ўтган ушбу ўртоқлик учрашувига 90 минг томошабин ташриф буюрган.
"Афсусланяпман. Агар ўзимга бўлган ишончни йўқотиб қўйсам, янада ёмон бўлади. Машғулотларда зўр бериб ишлаяпман, аммо расмий ўйинларда менга имконият берилмаяпти.
Ҳа, мен ажойиб жамоа сафидаман, аммо менга энг асосий нарса етишмаяпти. Яқинларим мени қўллаб-қувватлашмоқда", - дейди Чичарито.