"Реал" вингери Гарет Бейл, ўзи томон янграётган танқидлар ҳақидаги фикрлари билан ўртоқлашди.
"Танқидларга жавоб беришнинг хожати йўқ. Менинг атрофимдаги одамлар нима қодирлигимни билишади. Футболда кўтарилиш ва пасайиш бўлади ва омадсиз ўйиндан кейин, фақатгина ажойиб ўйинлар орқали танқидларга жавоб бериш лозим. Мен ҳақимда нима дейишаётганларини эшитмайман, мен фақатгина ўйиндан завқ оламан.
Мен кимнингдир қилган ишларини тўғри ёки нотўғри баҳолашимга хожат йўқ. Мен фақатгина ўз ўйинимни ўйнашим лозим. Мен Уэлс учун ўйнашни ёқтираман, бу мен учун юксак шараф", - дейди Гарет.
Эслатиб ўтамиз, Бейл Исроилга қарши кечган учрашувда дубл қайд этди ва битта голли узатмани амалга оширди.