Япония терма жамоаси билан бугунги ўртоқлик учрашувида 1:5 ҳисобида мағлубиятга учраган Ўзбекистон терма жамоаси бош мураббийи Миржалол Қосимов ўйиндан сўнг фикрларибилан ўртоқлашди.
"Албатта, натижадан қониқмадим. Бугун биз ўз имкониятлармиздан паст ўйнадик. Японияга қарши жамоа билан ўйинда шунча хатога йўл қўйсанг, дарҳол жазоланасан.
Учрашувнинг ўртоқлик аҳамиятини назарда тутиб, очиқ футбол кўрсатишга ҳаракат қилдик ва майдонга икки ҳужумчини туширдик. Аммо рақиб ҳужумда ҳам, ҳимояда ҳам зўр ўйнади. Айниқса, японларнинг тезкор қарши ҳужумларини таъкидлаган бўлар эдим. Улар аниқ ва тезкор футбол намойиш этишди. Албатта, етакчи ўйинчиларимизнинг йўқлиги ҳам ўз сўзини айтди, аммо ўртоқлик учрашувлари худди шунинг учун, захирадагиларни синаш учун ташкил қилинади.
Учрашув давомида рақиб дарвозаси олдида кўп вазиятлар яратдик, аммо улардан фойдалана олмадик. Натижада таблога шундай ҳисоб акс этди. Шунга қарамай, тушкунликка тушиш ва қўлларимизни туширмаслигимиз керак. Расмий ўйинларгача яхши тайёрланиб, хулосалар чиқариб олишимиз керак. Унгача яна бир назорат учрашуви ўтказамиз", - дейди Қосимов.
