Кеча Жанубий Корея футбол ассоцияцияси бу йил ҳисобидан ўзининг илк йиғилишини ўтказди. Унда бир қатор масалалар билан биргаликда январь ойида Австралияда ўтказилган Осиё Кубогидаги иштирок учун футболчиларни тақдирлаш масаласи ҳам кўриб чиқилди.
Футбол ассоцияцияси чиқарган якуний қарорга кўра, Осиё Кубогида 2-ўринни қўлга киритган Жанубий Корея терма жамоасининг ҳар бир футболчиси 20 миллион вон (тахминан 18.000 АҚШ доллари)дан мукофот пули оладиган бўлди. Шунингдек, терма жамоанинг мураббийлар штаби ҳам мукофотланади ва мукофот пули шартномага мувофиқ ҳисоб-китоб қилинади. Жанубий Корея футбол ассоцияцияси терма жамоа олдига яқинлашаётган ЖЧ-2018 саралаш босқичини муваффақиятли ўтказиш вазифасини қўйди.
Отабек Йўлдошев
Жанубий Корея, Сеул
