Босния ва Австрия терма жамоалари ўртасида ҳимоячи Давид Алаба жароҳат олган ва у етти ҳафта футбол ўйнамайди.
Бу ҳақда "Бавария" шифокори Мюллер-Вольфарт маълум қилди.
"Алаба 14 кун гипсда бўлади. Тўрт ҳафтадан сўнг у тикланиш жараёнини бошлаши мумкин. У жамоанинг муҳим ўйинларида ёрдам бера олади деган умид бор", - дейилади клуб расмий сайтидаги хабарда.
"Мен жуда хафаман, аммо мавсумнинг ҳал қилувчи ўйинларида сафда бўламан. Тикланиш жараёнида бор кучим билан ишлайман", - дейди Алаба.