"Эвертон" ҳужумчиси Ромелу Лукакунинг янги агенти Мино Райоланинг фикрича, бельгиялик футболчи мавсум тугагач, клубидан кетади.

Эслатиб ўтамиз, Райола Златан Иброҳимович, Поль Погба ва Марио Балотелли каби футболчиларнинг агенти ҳисобланади.

"Агар биз аввлроқ учрашганимизда, у ҳеч қачон "Эвертон"га ўтмаган бўлар эди. Балки, ҳозиргача "Челси"да ўйнаётган бўлармиди? Очиғини айтаман: у Диего Костадан кучлироқ ва бу мавсум испан футболчисидан ёмон натижа кўрсатмаган бўлар эди. Аммо "Челси" раҳбарияти ёшларга имконият бериш ўрнига, навбатдаги юлдузни сотиб олишни хоҳлади.

"Ювентус" ўтган ёзда қизиққан эди, аммо Италиянинг биронта клуби уни сотиб олишга кучи етади, деб ўйламайман. Мен унинг ёзда албатта кетиши керак демайман, аммо "Эвертон" раҳбарияти Ромелу бутун фаолияти давомида шу ерда қолади деб ўйламасликлари керак. Лукаку энг кучли клублар - "ПСЖ", "Манчестер Сити", "Манчестер Юнайтед" ёки "Бавария"дан бирига ўтади", - дейди Райола.