АПЛнинг 31-тури доирасида 6 апрель куни ўтказилган охирги ўйинда амалдаги чемпионлар саналадиган “Манчестер Сити” жамоаси “Кристал Пелас” майдонига сафар қилди ва 1:2 ҳисобидаги мағлубият билан ортга қайтди.

Ўйиннинг 34-дақиқасида мезбонлар футболчиси Мюррей ҳисобни очди. 48-дақиқада эса “Кристал Пелас”нинг етакчи футболчиси жарима зарбасидан Жо Харт дарвозасини аниқ нишонга олди – 2:0.

Вазиятни ўзгартириш учун тўлиқ ҳужумга ўтган “шаҳарликлар” фақат биттагина гол уришга эришишди, 78-дақиқада Яя Туре ҳисобни қисқартирди – 2:1.

Шу тариқа ўйинда Алан Пардью шогирдлари ғалаба қозониб, очколари сонини 39тага етказган ҳолда, турнир жадвалининг 11-поғонасига жойлашди.

2009 йилдан бери илк бор кетма-кет 4 сафар учрашувини ютқазган “Манчестер Сити” эса, 61 очко билан 4-ўринда қоладиган бўлди. Чунки, “Арсенал” ва “МЮ” 31-турда ғалаба қозониб, 2 ва 3-ўринларга кўтарилишган эди.

Кристал Пэлас – Манчестер Сити 2:1
Голлар: 1:0 – 34 Мюррей, 2:0 – 48 Панчон, 2:1 – 78 Туре.
Кристал Пэлас – Сперони, Дэнн, Уорд, Келли, Дилэйни, Болази (Суаре, 84), Макартур, Заа (Гэйл, 88), Панчон, Ледли, Мюррей (Саного, 83).
Манчестер Сити – Харт, Санья, Компани, Демичелис, Клиши, Фернандиньо (Милнер, 88), Туре, Навас (Насри, 77), Сильва, Агуэро, Жеко (Лэмпард, 66).
Огоҳлантиришлар: Дилэйни (40), Панчон (57), Демичелис (68).