“Фенербахче” вакили Дениз Толга Айтўра жамоанинг Туркия чемпионатидаги иштирокини давом этттирмоқчи эмаслиги ҳақида маълум қилди.
Бунга 4 апрель куни жамоа автобуси “Ризеспор” билан учрашувдан қайтаётганида қуролли ҳужумга учрагани сабаб сифатида келтирилмоқда.
Ўшанда автоуснинг олд ойнасига милтиқдан ўқ отилган ва ҳайдовчи жароҳат олиб, шифохонага ётқизилган. Автобус бошқарувсиз қолганида йўл четидаги устунга бориб урилганди.
Шундан кейин футболчилар зирҳли машиналарда полиция ҳимоясида аеропортгача етиб олганди.
“Биз бу ҳодиса тафсилотлари аниқланиб, жиноятчилар жазоланмагунича ўйнамаймиз. Футбол атрофида бунақа иш бўлиши ақлга сиғмайди. Ўйин учун инсонлар ҳаётини таҳликага қўя олмаймиз. Бу воқеа ҳеч қайсимизнинг ёдимиздан чиқмайди”, дейди Айтўра AFP нашрига берган интервьюсида.
Бироз олдинроқ, футбол бўйича Туркия чемпионати 1 ҳафта муддатга тўхтатиб турилиши маълум қилинганди.
