Sky Sports телеканали эксперти Гари Невилл «Манчестер Сити» Англия чемпионати доирасидаги «Кристал Пэлас»га қарши учрашувдаги мағлубияти сабаблари бўйича ўз фикрлари билан ўртоқлашди. Невиллнинг фикрича клубда руҳий жиҳатдан катта муаммолар бор.
«Сити»да ҳеч қандай шубҳасиз айтиш мумкинки, руҳий жиҳатдан муаммолар бор. Бу жамоа муваффақиятларга эришишга қодир эмас ва бу жудаям қўрқинчли ҳолат деб ўйлайман», дейди футболчи.
«Агар сен бирорта унвонни қўлга киритган бўлсанг, бу янги ғалабалар учун чанқоқлик бериши керак. Бироқ, бу хусусиятлар ҳозирги «Сити»да йўқ. Улар ўтган йили бир поғона юқорилашга эришишганди. Бу йил эса фақат пастга қулашмоқда».
«Сити» рақиблар ҳимоясини ёриб кириш учун ўзида куч топа олмаяпти. Ўтган йили бу каби муаммоларга «Челси» йўлиққанди. Жамоага ўз ишини устаси бўлган қанот яримҳимоячилари, масалан Хесус Наваснинг ўрнига бошқа кучлироқ футболчилар етишмаяпти. Агуэро ва Джеко ҳужум тандеми ўйини эса бир ўхшаса ўхшаб қоляпти, бўлмаса – йўқ», дея собиқ футболчининг сўзларидан иқтибос келтиради Sky Sports.
