Хабарингиз бор, эртага Осиё чемпионлар лигасининг 4-тур доирасида "Локомотив" - "Ас-Садд" баҳси бўлиб ўтади. Бугун ҳар иккала жамоа менежерлари, учрашув комиссари ҳамда ўйинга алоқадор шахслар иштирокида ўйиндан олдинги анъанавий йиғилиш тадбири бўлиб ўтди.
Тадбир давомида бир қатор масалалар ҳал қилиб олинди, шунингдек эртанги баҳсда кимнинг қандай либосда тўп тепиши ойдинлашди. Учрашув мезбони "Локомотив" оқ рангли формада тўп тепса, меҳмонлар "Ас-Садд" жамоаси қора рангли футболкаларда ўйнайдиган бўлди.
Эслатиб ўтамиз, "Локомотив" - "Ас-Садд" баҳси ТТЗдаги "Локомотив" стадионида бўлиб ўтади. Ўйиннинг бошланиш вақти - 16:00. Биз "Локомотив"га бефарқ бўлмаган барчани эртанги ўйинга чорлаб қоламиз.
