«ПСЖ» ҳужумчиси Златан Ибраҳимович 2016 йилда яна «Милан» жамоасига қайтиши мумкин. Бу ҳақда «Calcio Mercato» нашри хабар тарқатди.
Манбанинг маълум қилишича, итальян клуби президенти Сильвио Берлускони ёпиқ эшиклар доирасида «Милан»ни сотиш бўйича келишувга эришган. Сотилган пулнинг бир қисми швециялик футболчини сотиб олишга сарфланиши мумкин.
«Милан» бош директори Адриано Галлиани мазкур масала юзасидан 19 март куни футболчининг агенти Мино Райола билан учрашган.
Хабарда ёзилишича, ушбу ёзда футболчини сотиб олишнинг иложи бўлмайди. Аммо 2016 йилнинг 30 июнь куни футболчининг парижликлар билан шартномаси тугайди. Клуб Ибраҳимович билан битимни узайтириш ниятида эмас.
Эслатиб ўтамиз, Златан Ибраҳимович 2012 йилда клубдоши Тиаго Сильва билан биргаликда «ПСЖ»га трансфер қилинганди.