Ўзбекистон Биринчилигининг 2-туридан ўрин олган “Ёзёвон-лочинлари” – “Оқ-тепа” жамоалари ўртасидаги беллашув якунлангач, меҳмонлар ҳимоячиси ва сардори Темур Яфаров қисқача фикрлари билан ўртоқлашди.
- Мавсумни кутилмаганда “Пахтакор-2”га қарши ўйиндаги мағлубият билан бошладик. Очиғи, ўша баҳсда ютқазишимизни умуман кутмагандик. Шундан сўнг хатоларимиз устида ишлаб, бугунги баҳсга тайёргарлик кўрдик. Бугун бош мураббий Илдар Сакаевнинг кўрсатмаларини тўлиқ бажарган ҳолда ғалаба қозондик, деб ўйлайман. Жамоа олдига олий лигага чиқиш вазифаси қўйилган. Бизни олдинда деярли бутун бир мавсум кутиб турибди. Ўйлайманки, ҳали ҳеч нарса йўқотганимиз йўқ. Қолган баҳсларда биринчи ўйинда йўл қўйган хатоларимизни такрорламасдан, кўзланган мақсадга эришамиз, деган умиддаман.
