Ўзбекистон Биринчилигининг 2-туридан ўрин олган “Ёзёвон-лочинлари” – “Оқ-тепа” жамоалари ўртасидаги беллашув якунлангач, меҳмонлар устози Илдар Сакаев қисқача фикрлари билан ўртоқлашди.

- Бугун жамоалар мухлисларга ёқадиган ўйин намойиш қилиб беришди, деб ўйлайман. Ҳужумкор, хавфли вазиятларга бой учрашув бўлди. “Ёзёвон-лочинлари” ажойиб жамоа сифатида шакллангани кўриниб турибди. Гарчи клуб мусобақада дебютанти бўлса-да, ҳали кўп рақибларига бош оғриқ бўла олади. Бу ҳақида бош мураббий Абдусамад Дўрмоновга ҳам айтиб ўтдим. Улар бугун ҳам ёмон ўйнашмади. Гол уриш учун қатор вазиятларни ташкил қилишди, лекин улардан фойдаланишда оқсашди. Аксинча, биз гол урдик ва ғалаба қозондик.