Ўзбекистон Биринчилигининг 2-туридан ўрин олган “Ёзёвон-лочинлари” – “Оқ-тепа” жамоалари ўртасидаги беллашув якунлангач, мезбонлар устози Абдусамад Дўрмонов қисқача фикрлари билан ўртоқлашди.
- Айтиш керак, бугун ҳар иккала жамоа ҳам ёмон ўйин кўрсатгани йўқ. Бизда ҳам, меҳмонларда ҳам дарвозани ишғол қилиш учун бир қатор имкониятлар бўлди. Аниқроғи, биз меҳмонларга нисбатан кўпроқ хавфли ҳужумларни ташкил қила олдик. Бироқ гол уришга келганда “Оқ-тепа” футболчилари ўзларини кўрсатишди. Тажриба борасида устун бўлган рақиблар айнан ўз тажрибаларининг ҳисобига бугун ғалабага эришишди, деб ўйлайман. Йигитларга эътирозим йўқ, улар қўлларидан келганча ҳаракат қилишди.
