Ўз вақтида ўзбек футболининг ёрқин ўйинчиларидан бири бўлиб, шу пайтгача терма жамоамиз томонидан қитъа миқёсида эришилган ягона совринни қўлга киритилишига катта ҳисса қўшган Азамат Абдураимов ўзининг “орзулар жамоаси”ни тузиб чиқди.
Биз фаҳрий ҳужумчига -ўзбек футболида сўнги 20 йилликда тўп сурган футболчилардан терма жамоа тузиш имконияти бўлса кимларни танлаган бўлардингиз?,- дея мурожаат қилдик. Азамат ака узоқ таҳлилларидан сўнг - агар имконияти бўлиб қуйидаги футболчилардан иборат таркиб йиғилса дунёнинг энг кучли жамоалари билан бемалол беллашса бўлар эди, дея жавоб берди.
Танишинг, Азамат Абдураимовнинг сўнги 20 йилликдаги ўзбек футболчиларидан ташкил топган “орзулар жамоаси”:
Дарвозабон: Юрий Шейкин (Павель Бугало)
Ҳимоячилар: Виталий Денисов, Фарҳод Магаметов, Андрей Фёдоров, Февзи Давлетов
Ярим ҳимоячилар: Одил Аҳмедов, Миржалол Қосимов, Сергей Лебедов
Ҳужумчилар: Игорь Шквирин, Азамат Абдураимов, Максим Шацких
Заҳира: Сервер Жепаров, Илҳом Шарипов, Жасур Хасанов(катта)
Эътибор берган бўлсангиз асосий таркибнинг саккиз нафар ўйинчиси бир пайтлар Осиё ўйинларида Азамат Абдураимов билан бирга тўп сурган “юлдузли таркиб”дан танланган. Азамат ака жамоасида айни пайтдаги миллий термамиз аъзоларидан Одил Аҳмедов ва Виталий Денисовларга ҳам жой топилди.
Мана шу жойда йўл қўйилган нонсенсга тўҳталиб ўтамиз: фаҳрий футболчимиз асосий таркиб ҳужумчилари қаторига ўз исми-шарифини қўшмаган эди, лекин сўнги йигирма йилликдаги терма жамоани Азамат Абдураимовсиз тасаввур эта олмадик(Азамат ака бизни кечириб қўйсинлар...)
Элмурод ЭРМАТОВ тайёрлади
