Франция чемпионати пешқадамлари "ПСЖ" ва "Марсель" клублари мамлакатнинг "Canal+" телеканалига бойкот эълон қилишди. Клубларнинг фикрича, "ПСЖ" ҳужумчиси Златан Иброҳимович ва "Марсель" футболчиси Димитри Пайенинг дисквалификация қилинишида мазкур телеканалнинг ҳиссаси катта.
Айнан "Canal+" чемпионатнинг 29-тури доирасида бўлиб ўтган "Бордо" - "ПСЖ" ва "Марсель" - "Лион" ўйинларидан футболчиларнинг танқидий фикрларини эфирга узатган. Боз устига, швециялик футболчи Франция мамлакат шаънига кескин фикрлар билдирган. Бунинг учун Златан узр ҳам сўраганди. Натижала Иброҳимович 4та, Паче эса 2та ўйинга дисквалификация қилинди.
"ПСЖ ва "Марсель" клублари ўзларининг расмий сайтлари орқали шу йилнинг 30 майига қадар "Canal+2"га бойкот эълон қилинганини маълум қилишди.
"Чора-тадбирлар жой ва шарт-шароитдан қатъи назар (интервью, матбуот анжумани ва ҳоказо) футболчилар ва мураббийлар учун амалда бўлади. Мавсумнинг сўнгги қисми эканини инобатга олсак, шундоқ ҳам уларга нисбатан босим юқори" - дейилади клубларнинг баёнотларида.
