Kun.uz: “Манчестер Юнайтед” ҳужумчиси Робин ван Песи шу йилнинг ёзида жамоани тарк этиши мумкин.

“МЮ” раҳбарияти у билан қолган 14 ойлик шартномани муддатидан аввал бекор қилганлик учун футболчига 5 млн фунт товон пули тўлашга тайёрлигини маълум қилган.

Ушбу 31 ёшли голландиялик футболчининг хизматларига “Ювентус”, “Милан”, “Лацио” каби жамоалар қизиқиш билдиришган. Лекин бу талабгорлар футболчига юқори миқдордаги маошни бермоқчи эмас. “МЮ” эса, ван Персини ҳозиргидан кўра камроқ маош олишга рози бўлиши эвазига бошқа жамоага трансфер қилмоқчи, бунинг учун улар футболчига юқорида айтилган маблағни беришга ҳам тайёр.

Маълумот учун, ван Перси айни вақтда ҳафтасига 250 минг фунт маош олади.

У АПЛнинг жорий мавсумида “Манчестер Юнайтед” учун 24 ўйин ўтказди ва 10та гол уриб, 2та голли узатмани амалга оширди.