Испаниянинг “Депортиво”, Голландиянинг «Фейенорд» , Мюнхеннинг «Бавария» жамоаларида ўйнаган собиқ футболчи Рой Макаай «Фейенорд» ҳужумчиларига мураббийлик қиладиган бўлди. Бу ҳақда роттердамликлар расмий сайти хабар тарқатди.
Хабарда ёзилишича, 40 ёшли мутахассис нафақат асосий таркиб форвардлари билан ишлайди, балки уч ёш тоифасидаги болаларга ҳам ҳужумчилик сирларини ўргатиб боради.
Шунингдек, кейинги ойдан бошлаб Макаай мураббийлик курсларида ўқишни ҳам бошлайди.
Маълумот ўрнида, Рой Макаай 2007-2010 йилларда айнан «Фейенорд» сафида тўп сурган бўлиб, 2008 йилда Голландия кубоги бош совринини қўлга киритганди.