Мавсум тугагандан кейин Дортмунднинг “Боррусия” клубини тарк этишга қарор қилган клубнинг бош мураббийси Юрген Клопп ўзининг қарори юзасидан изоҳ бериб ўтди.
“Мен доимо бу ажойиб клубга тўғри келмаслигимни англашим биланоқ буни тан оламан деб айтганман. Мен ўз қарорим ҳақида ҳозир айтишга қарор қилдим, чунки охирги вақтларда баъзи ўйинчилар борасида қарорлар жуда кеч қабул қилинди ва бунга қандайдир жавоб беришга вақт қолмаган эди.
Мен тўғри қарор қабул қилдим деб ишонаман. Жамоа унга 100 фоиз тўғри келадиган мутахассис мураббийлик қилишига лойиқдир.
Менда ўйинчиларнинг бирортаси билан ҳам тушунмовчиликлар мавжуд эмас. Мен жамоага ўзгаришлар зарур деб ҳисоблайман.
Чарчадим деб айта олмайман. Мен бирорта клуб билан музокара ўтказмадим, бироқ бир йиллик таътил олишни ҳам истамайман”, – деб айтди германиялик мутахассис.
