Каталониянинг «Барселона» клуби еврокубоклар доирасидаги 1000та ва ундан ортиқ гол урган иккинчи жамоага айланди. Бу ҳақда «Мистер Чип» твиттер аккаунти хабар тарқатмоқда.
Европа чемпионлар лигаси 1/4 финал доирасидаги «ПСЖ»га (3:1) учрашувда каталонияликлар томонидан киритилган иккинчи гол жамоанинг Еврокубоклар тарихидаги 1000-голи бўлиб тархидан жой олди.
Олдинроқ, Мадриднинг «Реал» клуби ушбу довонни забт этганди. Ҳозирда мадридликлар ҳисобида еврокубокларда урилган 1016та гол мавжуд.
Таъкидлаб ўтиш жоиз, «Барселона»нинг юбилей 1000 ва 1001-голларини ҳужумчи Луис Суарес киритди.
