"Пахтакор" футбол клуби "Кексаларни эъзозлаш йили" давлат дастури асосида жамоа фахрийларини тақдирлаб боришни йўлга қўйди.

2015 йил юртимизда "Кексаларни эъзозлаш йили" деб эълон қилинган. Клубимиз жамоа учун меҳнат қилиб, муваффақиятларга ҳисса қўшган ҳамда унинг шаклланишида фаоллик кўрсатган фахрийларни тақдирлаб боришни йўлга қўйди. "Пахтакор" - "Шўртан" жамоалари ўйини танаффус пайтида "Пахтакор" сафида собиқ СССР чемпионатларида 358 учрашувда майдонга тушиб, 130 гол муаллифига айланган, 1968 йил олий лигада тўпурарга айланган ва мамлакатнинг энг яхши 33 футболчиси рўйхатига киритилган Биродар Абдураимовга клуб томонидан эсдалик совғаси сифатида телевизор тақдим этилди. Юқори техникаси эвазига "Пахтакор" мухлисларига хурсандчилик улашган Абдураимов клубимиз ва ўзбек футболи афсоналаридан бири ҳисобланади. Умид қиламизки, ёш футболчиларимиз ундан ўрнак олишга интилиб, келажакда у сингари ишқибозлар меҳрини қозонишади.