"Арсенал" яримҳимоячиси Аарон Рэмси жамоасининг бу мавсумдаги ўйинлари борасида фикрлари билан ўртоқлашди.
"Арсенал" мавсум якунланишига 6 тур қолганда "Челси"дан 7 очко ортда бормоқда, бунда "аристократлар" битта кам ўйин ўтказганлар.
"Совринсиз даврларни бошдан кечирдик, бу мавсум эса ўзимизда босимни ҳис қилган эдик. Ҳозир бундай босим йўқ, биз ўзимизга эътибор беришимиз керак. Агар уддалай олсак, ўзимизни тўғри бошқара олсак, бу йўлни охиригача етиб борамиз.
Чемпионлик бизга яқинлашмоқдами? Англия кубогидаги ғалабадан сўнг, янада кўпроғини исташимизни ҳис қилдик. Сезяпман, бунга яқинмиз", - дейди Рэмси.
