Манбаларнинг хабар беришича, «Манчестер Юнайтед»нинг ҳозирги бош мураббийи Майкл Кэррик клуб раҳбарияти томонидан жамоанинг доимий устози лавозимига асосий номзод сифатида кўрилмоқда. Мутахассис жамоани шу йилнинг 13 январида қабул қилиб олган эди.

Дастлаб Кэррик вақтинчалик вариант сифатида, муносиброқ номзод топилгунга қадар таклиф этилганди. Бироқ мураббий «МЮ» билан жуда муваффақиятли старт олди — АПЛда тўртта ғалаба ва битта дуранг. Бундан ташқари, манкунианликлар раҳбарияти кўриб чиққан бошқа номзодлар — Томас Тухель, Луис Энрике ва Карло Анчелотти айни дамда банд ва ўз лойиҳаларини тарк этишга тайёр эмаслар.

Айни дамда «Манчестер Юнайтед» АПЛ турнир жадвалида тўртинчи ўринни эгаллаб турибди. Жамоа пешқадам «Арсенал»дан 13 очко ортда қолмоқда.