Manbalarning xabar berishicha, «Manchester Yunayted»ning hozirgi bosh murabbiyi Maykl Kerrik klub rahbariyati tomonidan jamoaning doimiy ustozi lavozimiga asosiy nomzod sifatida ko‘rilmoqda. Mutaxassis jamoani shu yilning 13 yanvarida qabul qilib olgan edi.

Dastlab Kerrik vaqtinchalik variant sifatida, munosibroq nomzod topilgunga qadar taklif etilgandi. Biroq murabbiy «MYU» bilan juda muvaffaqiyatli start oldi — APLda to‘rtta g‘alaba va bitta durang. Bundan tashqari, mankunianliklar rahbariyati ko‘rib chiqqan boshqa nomzodlar — Tomas Tuxel, Luis Enrike va Karlo Anchelotti ayni damda band va o‘z loyihalarini tark etishga tayyor emaslar.

Ayni damda «Manchester Yunayted» APL turnir jadvalida to‘rtinchi o‘rinni egallab turibdi. Jamoa peshqadam «Arsenal»dan 13 ochko ortda qolmoqda.