“Насаф” ва “Тракторсози” жамоалари 4 очко жамғариб гуруҳда 3 ва 4-ўринларни эгаллаб туришган эди. Шу боис ҳар иккала клубга ҳам ғалаба сув ва ҳаводек зарур эди. Биринчи таймда мезбонлар дарвоза устуни-ю тўсинларини “нишон”га олиш билан овора бўлишди. Омад илк 45 дақиқаликда омад “Насаф” томонида бўлди.
Иккинчи бўлимда мезбонлар барибир ўз ниятларига эришишди. 53 дақиқада жарима тўпини Меҳди Киани голга айлантириб ҳисобни очди.
Шундан сўнг “Насаф” жамоаси ҳам жонланди. Орадан 7 дақиқа ўтгач Ҳамробековнинг дарвозага йўллаган зарбасини дарвозабон қайтарди, қайтган тўпни эса Геворкян боши билан дарвозага йўллаб ҳисобни тенглаштирди.
72 дақиқада эса “Қирол Артур” яна бир бор катта саҳнага чиқди. Бурчак тўпини тўппа-тўғри дарвозага йўллади ва “дубл”га эришди. Ушбу гол амалда ўйин тақдирини ҳал қилди.
Қолган дақиқаларда мезбонларда ҳам, “Насаф”да ҳам гол уриш учун имкониуятлар бўлди. Бироқ тўп дарвозага киришни истамади. Ушбу ғалабадаб сўнг “Насаф” очколари сонини 7 тага етказиб олди ва гуруҳдан чиқиш учун ажойиб имкониятга эга бўлди.
"Тракторсози" - "Насаф" 1:2
Голлар: 52 Меҳди Киани - 60 Артур Геворкян, 72 Артур Геворкян 72
"Тракторсози": 1.Ҳамид Лак, 3.Ҳабиб Гордани, 4.Ҳолид Шафий, 6.Меҳди Киани, 7.Саман Наримонжаҳон, 8.Шаҳин Соҳиби, 12. Муҳаммад Пурраҳмат (10. Эдер Лусиано, 78), 18. Амиркамдар Аҳмад (14. Андраник Теймуриан, 61), 19.Меҳрдод Байрами, 23. Ҳани Ҳошими, 77. Саид Агаи (9. Фарид Беҳзоди Карими, 68).
"Насаф": 25.Элдорбек Суюнов, 4.Мақсуд Каримов, 9.Илҳом Шомуродов, 15.Рой Рок, 17.Артур Геворкян, 20.Эркин Бойдуллаев, 22.Шоҳруҳ Гадоев (27.Илҳом Юнусов, 70), 23.Шерзод Азамов (18.Баҳром Абдураҳимов, 22), 32.Ҳамза Каримов, 33.Одилжон Ҳамробеков, 34.Фарруҳ Сайфиев.
Огоҳлантиришлар: Фарруҳ Сайфиев 36, Киани 45, Ҳани Ҳошими 70.
