"Барселона" ҳужумчиси Неймар ЕЧЛ чорак финалида "ПСЖ"га қарши учрашувдан сўнг (2:0) фикрлари билан ўртоқлашди.
Неймар, ушбу учрашувда "дубль"га эришди ва биринчи голига Иньеста ҳаммааллифлик қилган эди.
"Худди Париждаги учрашув каби ажойиб ўйин кўрсатдик, жамоадошларимни табриклайман. Биринчи ўйиндан сўнг устунлик биз томонда эди, аммо кейинги босқичга чиқишимиз учун ҳар қандай ҳолатда ҳам курашишимиз кераклигини тушунар эдик.
Мавсумдан қониқяпман, шу тарзда давом этишимиз керак. Испанияда етакчилик қиляпмиз, ЕЧЛ яримфиналига чиқдик, йўлимиздан чалғимаслигимиз керак.
Биринчи голимда Иньеста шундай тўп оширдики, оёғимни тўғри қўйсам бўлгани эди", - дейди Неймар.
