21 апрель ОЧЛ-2015 “D” гуруҳи 5-тур доирасида Эроннинг Табриз шаҳри “Тракторсозий” клубини 2:1 ҳисобида мағлубиятга учратган “аждарлар” кеча юртимизга қайтиб келишди.
Бу ҳақда “Насаф” ПФК расмий твиттер саҳифаси хабар бермоқда: “Насаф” футболчилари кеча Табриз-Истанбул-Тошкент ҳаво йўналиши орқали юртимизга қайтиб келишди, – дейилади хабарда.
“Насаф” жамоасини олдинда қизиқарли ва оғир ўйинлар кутиб турибди. Жумладан, 26 апрель куни Ғузорда “Шўртан” жамоасига қарши, 1 май куни ўз майдонида Тошкентнинг “Локомотив” жамоасига қарши ҳамда ОЧЛ-2015 “D” гуруҳи 6-тур доирасида Қаршида бўладиган “Ал-Аҳли” (Саудия Арабистони) клубига қарши ўйинлар.
“Насаф” жамоасига барча ўйинларда омадлар тилаб қоламиз.
