Ўзбекистон Биринчилигининг 5-туридан ўрин олган “Оқ-тепа” – “УзДонгЖу” учрашуви якунлангач, меҳмонлар сафида энг яхши ўйинчи деб топилган Шаҳбоз Жумабоев ўйин ҳақидаги фикрлари билан ўртоқлашди, деб хабар беради клуб расмий сайти.
- Қисқача қилиб айтганда, бугун бизга омад келмади. Ғалаба учун бор имкониятимизни ишга солдик, бироқ рости бунга кучимиз етмади. Балки чарчоқ аломатларидир?! “Оқ-тепа” яхши жамоа. Таркибда тажрибали футболчилар бор. Бу яққол кўриниб турибди. Рақиб ҳақида фақат илиқ фикрлар билдириш мумкин.
