Эртага Германиянинг Мюнхен шаҳрида теннис бўйича BMW OPEN by FWU AG турнирининг асосий тўр баҳсларига старт берилади. Қувонарлиси, мукофот жамғармаси 494,310 еврони ташкил этувчи ушбу мусобақада ҳамюртимиз Фаррух Дўстов ҳам иштирок этади.
Гарчи мамлакатимизнинг иккинчи ракеткаси рейтингда анча пастда бораётган бўлсада, унга ташкилотчилар имтиёзли йўлланмани тақдим этишган. Дўстов илк босқичда саралаш баҳси ғолибларининг бири билан ҳисоб-китоб қилади.
Агар теннисчимиз иккинчи даврага йўл олса, уни чорак финал олдидан турнирнинг учинчи ракеткаси, испаниялик Роберто Баутиста-Агут қарши олади. Фаррух Дўстов биринчи даврадаги иштироки учун 4,535 еврога эга бўлади. Турнир ғолиби эса 80 минг евро ҳамда 250 рейтинг очкосини қўлга киритади.
