“Бавария” Германия чемпионатининг 30-турида ўзининг асосий таъқибчиси “Вольфсбург” жамоаси Менхенгладбахнинг “Боруссия” жамоасига 0:1 ҳисобида мағлуб бўлиши эвазига мавсум чемпионлигини кафолатлади. Жамоа 30-тур доирасида 25 апрель куни ўтказилган ўз ўйинида ғалаба қозонган ҳолда очколари сонини 76тага етказиб олган эди.

“Вольфсбург” эса охирги мағлубиятидан кейин 61 очко билан қолди ва чемпионат якунланишига 4тур қолган ҳолатда мюнхенликларга ета олмаслиги маълум бўлди.

Шу тариқа, “Бавария” ўз тарихида 25-марта бундеслига чемпионлигини муддатидан олдин нишонлади.