"Локомотив" ва "Пахтакор" жамоалари ўртасидаги ўйиндан кейин ташкил этилганм матбуот анжуманининг иккинчи қисмида Вадим Абрамов иштирок этди.

"Бу дерби, бундай ўйинлар ҳамиша қийин бўлди. Бугун омад биз томонда бўлди. Ўз майдонимизда "Пахтакор"ни илк марта мағлуб этдик. Кейинги ғалабани ҳам кутамиз.
Ғалаба қозониш ҳамиша ёқимли.

Корянни захирага олишдан мақсад — олдинга чизиқда янги куч ташлашни истагандим. Темурхўжа ҳам ёмон ўйнамади. Ўйин сўнгида "Пахтакор"нинг ўйинига мослашиб қолдик, ярим ҳимоячилар тўпни унга етказа олишмади.

Суперкубок билан таққослайдиган бўлсам, "Пахтакор" сафида икки етакчи футболчи — Махарадзе ва Искандеров ўйнамади. Агар улар ўйнаганида бизга бироз осонроқ бўларди. Боиси, улар тўпни ўзида ушлаб туришни яхши кўради. Уларнинг ўрнига тушган футболчиларда яратувчиликда ранг-баранглик бўлмаса-да, улар доимий равишда ҳаракатда бўлиб, бизга муаммо яратди.

Кояшевич яхши футболчи. У олдинги чизиқда яхши ўйнайди, аммо ҳимоявий ҳаракатда унинг фойдаси кам. Агар Жасур Ҳасанов ва Дамир Кояшевич бир вақтнинг ўзида майдонда бўлишса, ҳимояда қанотларимиз очиқ майдонга айланиб қолади. Бир вақтда бундай икки футболчининг майдонда бўлиши — бу жуда хавфли. Шунинг учун Дамирни асосан захирадан туширяпман", - дейди Абрамов.