“Челси” ҳамда Бразилия терма жамоаси ярим ҳимоячиси Виллиан шу йилнинг 11-июнидан Чилида старт оладиган “Копа Америка” яъни Америка кубоги мусобақаларида пентакампеонларнинг бош соврин учун кураш олиб боришларини таъкидлаб ўтди.

“Селесао ҳамиша совринлар учун кураш олиб борган ва имкониятларга эга бўлган, лекин ҳозир фаворитлар тўғрисида аниқ бир нарса дея олмаймиз. Футбол оламида ҳамма нарса бўлиши мумкин, лекин мен бизнинг соврин учун кураш олиб боришимизга кафолат бераман”, — дея Виллиан сўзларини келтиради Championat.com.

Бразилия мусобақанинг гуруҳ босқичида Колумбия, Перу ҳамда Венесуэла терма жамоалари билан баҳс олиб боради.