Тошкентнинг “Пахтакор” футбол клуби ва Ўзбекистон миллий терма жамоасининг собиқ аъзолари – ярим ҳимоячи Андрей Акопянц ва ҳимоячи Николай Ширшов Россияда болалар спортини ривожлантириш билан банд.

Хусусан, Ўзбекистон миллий терма жамоаси сафида 1998-2005 йиллар мобайнида 40та ўйин ўтказиб, 6та гол урган Акопянц ҳозирги вақтда Таганрогнинг “Кобарт” ҳаваскорлар футбол клуби бош мураббийи сифатида ишламоқда.

Ростов вилояти Олий лигасида иштирок этадиган бу жамоада 37 ёшли Акопянц ўйновчи-мураббий сифатида ўйинларда ҳам майдонга тушади.

Ўзбекистон миллий терма жамоаси сафида учта Осиё Кубоги (1996, 2000, 2004 йиллар)да иштирок этган, 63 ўйинда майдонга тушиб, 13та гол урган Николай Ширшов эса Новошахтинскдаги болалар футбол мактабида мураббийлик қилмоқда.

Қайд этиш жоиз, чап қанотда ҳаракатланган ҳар иккала футболчи бир вақтда “Пахтакор”да тўп суриб, бирга Россиянинг “Ростов” клубига йўл олган ва бу жамоада 2005 йилга қадар тўп сурган.