Матбуот андуманининг иккинчи қисмида ғолиб жамоа бош мураббийи Рўзиқул Бердиев иштирок этди.

— Бугун қийин ўйин бўлди, ҳаммаларингизни ғалаба билан табриклайман. Биз учун ҳамма ўйинлар қийин кечмоқда. Бугун икки хил ўйинни гувоҳи бўлдиларингиз, “Локомотив” бу жуда кучли жамоа, биз учун энг муҳими бугун ғалаба қозониш эди, буни йигитлар уддалашди.

– “Насаф”да энг оғриқ нуқтаси бу ҳужум чизиғи бўлиб қолмоқда, умуман жамоага янги ҳужумчи олиш режаларингиз борми?
– Яхши ҳужумчи ҳаммага ҳам керак, шунингдек бизга ҳам керак. Имкониятимиз унчалик катта эмас. Ўз ўрнида ўзимизда ҳам яхши ҳужумчилар бор, жумладан, Илҳом Шомуродов биз унга ишонишда давом этамиз. Мухлислар кўпинча унинг кўрсатган ўйинидан норози бўлишади, аммо майдонда кўп ишни бажаради ва жамоамиз ғалабаларига катта ҳисса қўшади. Қани энди иложи бўлса, қўлимизда иккита бир хил таркиб бўлса, аммо буни ҳозир иложи йўқ. Шундай бўлсада, бу ҳақда ўйлаяпмиз.

– Бугунги ўйин кейинги ОЧЛ ўйинига рағбат бўладими?
– Албатта бўлади, бу ижобий руҳий таъсир кўрсатади. Аммо ОЧЛ ўйини бошқача ўйин, барибир биз навбатдаги ўйинга пухта тайёргарлик кўрамиз. Бу жуда муҳим, биз бир ойда 8та ўйин ўтказишни ўзи бўлаётгани йўқ.

– “Насаф” ОЧЛда кейинги босқичга чиққанда, Алишер Юсуповни заявкага киритасизларми?
– Бу бўлиши мумкин.

– Шоҳруҳ Гадоевни ўйинига қандай баҳо берасиз?
– Шоҳруҳ ҳаракат қилаяпти, яхши ўйин кўрсатишга биз унга ишонамиз ўзини тўлиқ тиклаб олади.