Узоқ орзиқиб кутилган ва “аср жанги” дея ном олган жангнинг бошланиш арафасида! АҚШнинг Лас-Вегас шаҳридаги “MGM Гранд” аренасида ярим ўрта вазн тоифаси WBC, WBA ва WBO йўналишлари чемпионлик камари учун замонамизнинг икки буюк жангчиси – Флойд Мэйвезер ва Мэнни Пакьяо рингга чичиб келишмоқда.
Ушбу жангдан тахминан 600 миллион доллар миқдорида пул ишлаб топилади. Шунчаки жангдаги иштироки учун, жанг натижасидан қатъий назар Мэйвезер 120, Пакьяо эса 80 миллион доллар гонорар соҳиби бўлади.
Эътиборингизга эътиборга молик статистикани ҳавола қиламиз. Флойд Мэйвезер бугунги жангдан умумий 180 миллион доллар ишлаб олади. Бу ҳар бир раундга 15 миллион доллар деганидир. Бир дақиқада 5 миллион, сониясига эса 83 минг долларга эга бўлади.
Бугунги жангни томоша қилиш учун дунёнинг кўзга кўринган инсонлари ташриф буюришган. Лас-Вегас аэропорти шахсий самолётларга тўлиб кетган. Демак, “аср жанги”ни кутамиз ва биргаликда томоша қиламиз.
