"Зомин" футбол клубига Ўзбекистон биринчилиги, биринчи турида доирасидаги "Локомотив-БФК"га қарши кечган ўйинда таркибида белгилаб қўйилганидан кўп катта ёшли футболчиларни майдонга туширгани учун тартиб-интизом санкциялари қўлланди.

"Ҳаваскор бўлмаган ҳамда яримпрофессионал футбол клублари ўртасида мусобақаларни ташкил этиш регламенти - 2015"нинг 4-модда, 4.17-бўлимини бузганлиги туфайли "Зомин" футбол клубига техник мағлубият (-:+) ёзилиб, ушбу ўйинда жамғарилган уч очко улардан олиб ташланди.

"Локомотив-БФК"га эса техник ғалаба (+:-) ёзилди ва уч очко берилди.

Бу ўйинда "Зомин" киритган голлар бекор қилинди.

Кўрсатилган карточкалар эса ўз кучида қолдирилди.

Шунингдек, тартиб-интизом кодексининг 5-модда, 4-бўлим, 5.57 пунктига кўра "Зомин" ПФК жаримага тортилди.