Испанияда "Ювентус" ҳужумчиси Альваро Моратанинг ёзда "Реал"га қайтиши ҳақида гап-сўзлар тақалди.
"Реал" тарбияланувчиси бўлган ёш футолчи ўйин амалиёти камлиги учун ушбу мавсумда "Ювентус"га йўл олган эди. Мадридликлар уни ёзда 30 миллион евро эвазига сотиб олиш ҳуқуқига эгалар.
"Реал" буни бир йилдан кейин ҳам амалга ошириши мумкин, аммо у вақтда футболчининг трансфери учун 35 млн евро тўлаши керак бўлади. Моратанинг ўзи "Ювентус"да ўзини жуда яхши ҳис қилаётганини бот-бот такрорламоқда ва клубини алмаштириш режаси йўқ.
AS нашрининг маълум қилишича, агар Мората Мадридга қайтадиган бўлса, беш йиллик шартнома ва катта маошга эга бўлиши мумкин. У айни вақтда Италияда йилига 2,2 миллион евро олмоқда.
