"Бавария" яримҳимоячиси Хаби Алонсо ЕЧЛ яримфиналининг биринчи учрашувида "Барселона"дан учралган мағлубиятдан сўнг (0:3) фикрлари билан ўртоқлашди.
"Биз ўйин давомида тўпни кўпроқ назорат қилдик, аммо гол урмас экансан, бундан не фойда? Бутун ўйин давомида тўпни эгаллаб туриш мумкин - аммо бу ёрдам бермайди.
Ҳаммасини биринчи гол ҳал қилди, айнан у ўйинни ўзгартириб юборди. Натижа даҳшатли, аммо футболда сюрпризлар бўлиб туради.
"Камп Ноу"да менга ҳуштакбозлик қилишди? Мени бундай нарсалар билан ҳайратлантира олмайдилар", - дейди Алонсо.