1982 йилда Италия терма жамоаси сафида жаҳон чемпионлигига эришган Клаудио Жентиле Аргентина терма жамоаси билан учрашув ҳақида эслади.
Италия ва Аргентина терма жамоалари мусобақанинг иккинчи босқичида учрашган ва Энцо Беарзот шогирдлари 2:1 ҳисобида ғалаба қозонган эдилар. Кўпчиликнинг эсида қолгани - ўйинда Жентиле ёш Марадонани шахсан қўриқлаган ва унга қарши жуда қўпол ўйнаган. Кўпчиликнинг фикрича, учрашув ҳаками Женилени майдондан четлаштириши керак эди.
"Мен қанот ҳимоячиси эдим, Марадона маказда ўйнар эди. Аммо Беарзот менинг олдимга келиб, Марадона қарши ўйнай олишимни сўради. Мен муаммосиз рози бўлдим, албатта, кейин бунинг учун афсусландим. Аммо, орқага йўл йўқ эди. Марадона мени онамни ҳақорат қилди, нима деса деди. Бу мени баттар кучайтирди ва ўз ишимни яхши бажаряпман деб ўйлай бошладим.
Марадона жамоасининг мағлубиятини ҳазм қила олмасди. У бизнинг қўпол ўйнаганимиз ҳақида гапирган ва бунга қўшилмайман. Уларда ҳам Пассарелла, Тарантини, Гальего каби шундай ўйинчилар бор эди. Жуда қўпол футболчилар", -дейди Жентиле.
