Бугун Куала-Лумпурда шу йили Хитойда бўлиб ўтадиган U-16 ва U-19 аёллар терма жамоалари ўртасидаги Осиё Чемпионатларига қуръа ташлаш маросими бўлиб ўтади.

Аввало U-16 аёллар Осиё чемпионати учун қуръа ташланади. Чемпионатда саккиз жамоа қатнашади. Улар икки гуруҳга бўлинади.

U-16 аёллар Осиё Чемпионатига йўл олган жамоалар:
1. Хитой
2. Япония
3. Шимолий Корея
4. Таиланд
5. Эрон
6. Хитой Тайпей
7. Жанубий Корея
8. Ўзбекистон

Ўзбекистон ушбу қуръада 4-саватда бўлади.

U-19 аёллар ўртасидаги Осиё Чемпионати қуръаси ҳам ҳудди шу тартибда ўтади ва унда ҳам Ўзбекистон тўртинчи саватдан ўрин олади.

U-19 аёллар ўртасидаги Осиё Чемпионатида қуйидаги жамоалар иштирок этади:
1. Хитой
2. Жанубий Корея
3. Шимолий Корея
4. Япония
5. Австралия
6. Таиланд
7. Эрон
8. Ўзбекистон

Маълумот учун, U-19 аёллар ўртасидаги Осиё Чемпионати Хитойда, 19 - 30 августда бўлиб ўтса, U-16 аёллар ўртасидаги Осиё Чемпионати 4 - 15 ноябрда ўтказилади.