"Манчестер Юнайтед"нинг собиқ сардори Рой Киннинг фикрича, ЕЧЛ яримфиналида "Ювентус" билан жавоб учрашувида "Реал" яримҳимоячиси Гарет Бэйл ҳаммасини бир ўзи ҳал қилиб ташлаши мумкин.
Ушбу жамоаларнинг биринчи учрашувидан сўнг (2:1) Рой Кин Бэйлни танқид қилиб, "Реал" гўёки бир киши кам бўлиб ўйнаганини таъкидлаган эди.
"Шубҳасиз, Бэйл иқтидорли. У аввал катта ўйинларда ўзини кўрсатган. Агар бугун унинг ўйини чиқиб қолса, "Реал"да яхши имкониятлар бўлади. Бэйл формада бўлиб турса - у топ-савиядаги ўйинчи", - дейди Кин.
