Таэквондо бўйича Жаҳон чемпионати ўтаётгани ҳақида маълумот бериб ўтган эдик. Ярим финал йўлланмасини қўлга киритган ҳамюртимиз Никита Рафалович бугунги жанглари борасида ўз фикрлари билан ўртоқлашди.
- Чорак финал баҳси кутилганидек оғир кечди. Рақибим ҳам таэквонда ватанидан ҳисобланишини инобатга олсак, бу баҳс мен учун осон бўлмаслигини олдиндан билар эдим. Аввал ҳам Ким билан жанг олиб бориб, мағлубиятга учраган эдим. Бу сафар уни мағлубиятга учратишим керак эди.
- Кимга қарши алоҳида тактик таёргарлик кўрган эдингизми?
- Рақибим жисмоний жиҳатдан у қадар кучли эмаслигини олдиндан билар эдим. У купроқ рақибни алдашга уринади. Шуни ҳисобга олиб, узоқдан зарбалар йўлладим. Имкон қадар кучимни ҳал қилувчи зарбага сақлашга ҳаракат қилдим. Кўрганингиздек битта зарба ҳаммасини ҳал қилди ва охирида ғалаба қозондим.
- Эртага ўзингиздан қандай натижа кутаяпсиз?
- Ҳар бир спорти ўз олдига юқори мақсад қўйгани каби, мен ҳам ўз олдимга мусобақада ғалаба қозониш мақсадини қўйганман! Ўз устимда жуда кўп ишладим. Шундай экан, эртага юртим шарафини муносиб ҳимоя қилишга ҳаракат қиламан.
- Мухлислар сизни сўнгги дақиқаларгача олқишлаб туришганини сездингизми?
- Ҳа, мухлислар мадади катта ёрдам берди! Барибир терма жамоадошларимнинг мададини кўпроқ ҳис қилдим. Мени қўллаб-қувватлаган барчага катта раҳмат!
Наврузбек Шодмонкулов суҳбатлашди
