Эътиборлиси, бугун иштирок этган барча вакилларимиз ҳеч бўлмаса ярим финалга чиқишди. Улар орасида фақатгина мутлақ вазн тоифасида курашган Абдулло Тангриев мусобақанинг олтин медалbга сазовор бўлди.
Финалда қирғизистонлик Юрий Краковетски билан кечган баҳс анча ҳаяжонли бўлди. Финал тўлиқ 5 дақиқа давом этди ва полвонлар мутлақ вазнда бўлгани боис айтарли ҳаракатлару, очколар бўлмади. Олтин очкогача давом этган баҳсда тажрибали юртдошимиз рақибини доғда қолдирди. Шу тариқа Абдулло Тангриев 6 карра Осиё чемпиони деган шарафли номга сазовор бўлди.
-90 килограммда Шерали Жўраев бронза медалига эгалик қилган бўлса, Яҳё Имомов (-81 кг), Рамзиддин Саидов (-100 кг) ярим финал ва бронза медали учун кечган баҳсда имкониятни бой бериб қўйишди.
