17 май куни Португалия чемпионатида 33-тур ўйинлари ўтказилди.
Турнир жадвалининг биринчи ўрнида турган "Бенфика" сафарда "Витория Гимараеш" билан 0:0 ҳисобида дуранг ўйнади. Бу ўйин билан параллел равишда ўтказилган ўйинда жамоанинг асосий рақиби "Порту" сафарда "Белененсеш" билан 1:1 ҳисобини қайд этгач, охирги турдан кейин ўзининг иккинчи ўрнидан юқорига кўтарила олмаслиги ойдинлашди.
"Бенфика" 33 ўйинда 82 очко тўплаган, "Порту" ҳисобида эса 79 очко бор.
Шу тариқа, "Бенфика" ўз тарихида 34-марта Португалия чемпионига айланди. Жамоанинг икки ҳужумчиси Жонас (18та гол) ва Лима (17та гол) билан турнир тўпурарлари сафида турибди. "Бенфика” мавсум давомида 82та гол урган ва ўз дарвозасидан атиги 15та гол ўтказган.
