2015 йилги мамлакат кубоги баҳсларидаги дастлабки рақибимиз Тошкентнинг “Обод” жамоаси.
“Бунёдкор” Ўзбекистон кубоги мусобақасида 10-бор иштирок этмоқда. “Қалдирғочлар” бунгача 2013 ва 2014 йилги мавсумдаги учрашувларини дуранг натижа билан бошлашган. Қолган стартларнинг барчасида ғалаба қозонилган.
2006 йил. 1/16 финал. “Бунёдкор” – “Шайхонтоҳур” 3:1
2007 йил. 1/16 финал. “Шаҳрихон” – “Бунёдкор” 1:3
2008 йил. 1/8 финал. “Жайҳун” – “Бунёдкор” 0:2
2009 йил. 1/8 финал. “Динамо Қарши” – “Бунёдкор” 0:2
2010 йил. 1/16 финал. “Бухоро” – “Бунёдкор” 0:2
2011 йил. 1/16 финал. “Хива” – “Бунёдкор” 1:3
2012 йил. 1/16 финал. “Бунёдкор” – “Насаф-2” 5:0
2013 йил. 1/4 финал. “Бунёдкор” – “Машъал” 1:1
2014 йил. 1/4 финал. “Бунёдкор” – “Олмалиқ” 2:2
2015 йил. 1/8 финал. “Бунёдкор” – “Обод” -:-
Рақибимиз “Обод” бир учрашувдан иборат 1/16 финал босқичида Навоийнинг “Қизилқум” клубини 5:3 ҳисобида мағлубиятга учратиб, нимчорак финалга етиб келди. Энди биринчи лига пешқадамларидан бири уй-сафар тизимида ўтказиладиган баҳсларда “Бунёдкор” билан куч синашиб кўради.
Бугунги кунда “Обод” таркибида бир пайтлар “Бунёдкор” ёшлар жамоаси шарафини ҳимоя қилишган 11 нафар футболчи тўп тепмоқда. Булар: Виктор Мочалов, Санжар Тўрақулов, Араик Бобоев, Азиз Ғуломхўжаев, Дониёрбек Ҳасанов, Шерзод Жалилов, Улуғбек Дадабоев, Зарбулло Умаров ва Расулжон Шуҳратов.
Биринчи лиганинг 8-тур учрашувларидан сўнг “Обод” жамоаси 16 очко жамғарган ҳолда турнир жадвалининг 3-поғонасини банд этиб турибди. Хайрулла Абдиев устозлик қилаётган жамоа 8 учрашувда рақибларида дарвозасини 22 бор ишғол қилиб, ўз “постидан” 6та тўп ўтказиб юборди. Ҳужумчи Алишер Азизов 7та голи билан жамоанинг энг яхши тўпурари бўлиб турибди.
ЎзПФЛ “Бунёдкор” – “Обод” учрашувига бухоролик Ильгиз Танташев бошчилигидаги ҳакамлар гуруҳини тайинлаган. Қанот ҳакамлари – Артём Калинин (Қарши), Александр Сидоров (Тошкент). Заҳира ҳаками – Аҳмаджон Эргашев. Назоратчи – Алишер Абдуллаев (Тошкент).
Мамлакат кубогининг нимчорак финал босқичи биринчи учрашувлари доирасидаги “Бунёдкор” – “Обод” учрашуви 19 май куни “Бунёдкор” стадионида соат 19:00да бошланади.
