Ўзбекистон Биринчилигининг "Шарқ" минтақаси 6-тур учрашувида "Цементчи" – "Оқ тепа" (2:1) учрашувида ишлаган ҳакам ва назоратчи ПФЛ томонидан жазоланди.
Беллашувни Тошкент вилоятилик Абдураҳим Мўминов бошқарган. Унинг ҳаракатларини эса пойтахт вилоятидан ташриф буюрган Раҳматилла Қоратоев баҳолаган.
Бош ҳакам учрашувнинг боришига таъсир қилувчи нотўғри қарорлар қабул қилган бўлса-да, бу ҳолат учрашув назоратчисининг ўйиндан кейин ҳакам фаолиятига берган баҳосида ўз аксини топмаган. Р.Қоратоев бош ҳакам А.Мўминовнинг ишига 7,7 балл қўйган. Аслида ҳакамнинг иши бундан пастроқ балга баҳоланиши зарур эди.
Мазкур учрашув ёзиб олинган видеотасмани кўриб чиққан "Ҳакамлар ва назоратчилар" қўмитаси Мўминовни ҳам, Қоратоевни ҳам 8та учрашувда фаолият кўрсатишдан четлаштириш тўғрисида қарор қабул қилган. Ҳозирча ПФЛ сайти бу борада расмий маълумот бергани йўқ.
