УЕФАнинг собиқ раҳбари Леннарт Юханссон Россияда ўтиши керак бўлган 2018 йилги Жаҳон чемпионатини ўтказиш ҳуқуқини Англияга беришга чақирмоқда, деб хабар бермоқда Reuters ахборот агентлиги.
“Нималар содир бўлаётганидан ҳайрон қолмаса ҳам бўлади. Блаттер ФИФА президенти сайловлари у истаганча ўтиши учун барча нарсани қилади. Афсус ва надомат билан айтиш керакки, дунёнинг энг йирик футбол ташкилотида шундай етакчи турибди. Мен ҳақиқатда афсусдаман”, деб айтди Юханссон.
Юханссон ФИФА 2018 йилги ва 2022 йилги жаҳон чемпионатлари бўйича қарорларини қайта кўриб чиқишига умид билдирмоқда.
“Англияда жаҳон чемпионати 1966 йилдан бери ўтказилмаётган эди, ахир бу давлат футбол ватани ҳисобланади. 2018 йилги жаҳон чемпионати деганда, Англияга эътиборни қаратиш лозим”, деб таъкидлаб ўтди Юханссон.
